type
Post
Created date
Jan 30, 2023 12:59 PM
category
Personal Growth
tags
Personal
Communication skills
Learning How to Learn
Decision Making
status
Published
Language
Chinese
From
Online
summary
slug
output
password
Author
Online
Priority
Featured
Featured
Cover
Origin
Type
Youtube
Youtube
icon

最高學以致用法 OUTPUT

推薦指數: ★★☆☆☆

notion image

買既原因

想學識點樣可以係最短時間內做到最多既野

簡介

本書想提倡大家都要記得output多D output係有幾咁重要 同埋應該點去output 本書分五parts
  1. Rules: 介紹咩係output同埋output有咩好
  1. Talk: 分享說話技巧
  1. Write: 分享創作寫作提升效率既方法
  1. Do: 做事既注意事項
  1. Training: 有咩其他output tips

Chapter 1: 輸出既基本法則

  1. 輸入就係吸收情報 輸出就係處理完情報再表現出黎
  1. 輸入改變既係大腦世界 輸出改變既係現實世界
  1. 輸入只係自我滿足 輸出先係自我成長我幾鐘意佢用個例子 有個人睇十本書但係up唔出本書講乜 vs 有個人睇三本書但係可以講到本書既內容
  1. 輸入同輸出既黃金比例係3:7
  1. 想要進步得快 就要做反饋 意思姐係輸出完之後要檢視 評估同反省輸出既結果 然後再改善同調整 作者提到要有效做反饋有四個方法i. 克服弱點 發揮所長: 唔識既就搵資料補底 識既就再做難D深D既ii. 寬度學習 深度學習: 一開始唔識就廣泛咁學 之後再深入學有興趣既野iii. 解決疑惑: 過程中有唔明唔識千奇唔好唔理佢 一定要尋根究抵iv. 請教他人: 最好係學某個topic前諗定有邊個係專家 有唔識就問佢
一開始既comment大部分都係呀媽係女人既道理 總之就係學完唔用就晒氣 學唔識就搵料問人 學識左就再學深D既野 咁鬼唔知會進步咩睇完chapter 2 之後簡單黎講 進步既方法有兩個 一就係唔識就搵方法去學 二就係識就去深化

Chapter 2: 以科學為根據基礎既表達術

  1. 唔好剩係講fact 要加埋自己既諗法感想同意見
  1. 講多D正面說話 多D同人講多謝 人生都會順利D 相反講人壞話百害而無一利 仲會製造壓力 影響人際關係 增加患病風險
  1. 壞消息個陣 唔好一黎講唔好野先 咁會有hard feeling✗ No But: 你最近成日遲到 好難得生意有D起色 咁味功虧一簣?✓ Yes But: 最近生意有進步 做得好 但係遲到有D嚴重喎 要注意下✓✓ Yes And: 最近生意有進步 做得好 如果可以做到守時就更加完美啦✓✓✓ Yes How: 最近生意有進步 做得好 一齊諗下可以再點做好D我同意講左好野先係聰明既做法 但係我自己覺得Yes And好似係到串緊個人咁 另外 一般人返工都係不求有功 但求無過 所以Yes How係針對D有上進心既人先work 正常情況用Yes But已經夠
  1. 溝通分語言溝通(verbal communication)同非語言溝通(non-verbal communication)兩種 前者就係指語言既內容 姐係「講乜野」 而後者就係指視覺同聽覺既方法 包括你既表情 視線 姿勢 動作 聲調 大細聲等等 姐係「點樣講」
  1. 麥拉賓法則指出non-verbal係重要過verbal 個研究係講當人接受矛盾信息個陣 會信verbal定non-verbal多D我記得睇過一條片 就係用好開心既聲線去鬧隻狗 同用好惡既聲線去讚隻狗 結果隻狗俾人好開心咁鬧會搖晒尾 但係俾人好惡咁讚就會好驚好似做錯野咁
  1. Eye contact 好有用 可以刺激多巴胺 無論講野定聽野都要咁做
  1. 打招呼代表你認可個個人 係溝通既第一步之前冇諗過呢樣野 但係諗真D 以前試過出門口搭𨋢個陣認錯人同人打招呼 跟住久而久之大家見面都會打招呼同吹兩句 所以啟發左我 第時返新工或者去新環境 都要建立呢個咁既習慣
  1. 曝光次數同好感度成正比 對比起吹水既內容 吹水既次數先係重點想建立一個良好既朋友圈 係人地D post留言同PM吹兩句應該幾有用
  1. Cocktail party effect 指既係當一個人係好嘈既環境聽到有人提自己個名 都會alert到 呢樣叫做選擇性注意 換句說話講 如果輸入之前問下自己想得到D咩 就會事半攻倍
  1. 唔好成日諗住give and take 要培養give and give既態度我好buy呢句 幫人唔應該諗有咩回報 其實幫人教人既過程中 你都會學多左野 本身已經有得著
  1. 學識say no先可以將D時間留返俾自己想做既事上面 方法就係預先prioritize個順序 然後一視同仁
  1. 一定程度上既緊張係可以提升專注力同判斷力 從而提升工作效率
  1. 作者提出左5個增加討論能力 / 改善對答技巧既方法i. 練習討論: 搵人傾多D自然會累積到經驗 一開始可以傾閒計ii. 切割討論同感情: 好多時激烈討論最終會產生敵意iii. 事先推演流程: 一開始諗下成個flow係點 D人會有咩論點同意見 預先prepare定d supporting documentsiv. 擬定假設問答: 諗定人地會問既問題 10條可以應付70% 30條可以應付90% 100條可以應付99%v. 搶先提出意見: 第一個提出意見 咁個討論就會朝自己有利個邊發展我自己可以好理性咁進行討論 但係我比較著重既係 當同緊一個唔識切割情感既人討論既時候 要點樣處理會好D? 我初步諗法係問多D其他人既意見 咁樣就可以係其他人講緊野既時候 cool down佢既情感 如果單對單就盡可能俾佢知道你係企左係佢立場諗野 再發表意見 等佢覺得被受尊重
  1. 當遇到難題既時候 搵人傾訴或者請教 會減少壓力 一黎其他人可能可以幫你諗到解決方法 二黎可以等你對件事更加清晰我諗返起好多時我遇到解決唔到既難題個陣 我會同身邊既人講 係講既途中 我就會諗到解決方法 再唔係就係其他人既一D suggestions可以等我brainstorm到個更加好既做法
  1. 同有深度關係既人建立緊密關係 作者提出 親友三個就夠 由細識到大 工作伙伴 志同道合既 各一個 咁就可以係你遇到困難既時候可以傾訴同幫你
  1. 讚美同斥責都要夠具體 要清楚講出你想對方做得更好或者要改善既地方
  1. 坦言道歉會增加其他人對自己既評價
  1. 根據自我揭露法則 自我揭露得越多 感覺就會更親密 坦白自己 人地都會更願意揭露自己
  1. 做生意 記住唔係要諗橋sell件product / service 而係話俾受眾聽 個product本身既價值 同埋受眾用左既好處 只要價值大過價格 就會有人買 與其同人講件貨幾平幾抵 不如講俾人知買左件貨會帶黎幾多既正面影響就好似見工咁 唔應該為左增加競爭力叫低價 應該要證明同說服HR你係值一個高過其他人既價
呢個chapter分享左好多講野既技巧 我覺得係幾有用既 總之就係 諗野講野要正面D 多D講多謝 做錯野就say sorry 唔好講人壞話 真係要講負面野就讚左先再彈 讚同彈都要具體D 多D同人分享自己既諗法 見到其他人需要幫手就主動D 平時見到咩人都要同人打招呼 講野要望住人 想建立bounding就要多D PM人R水吹

Chapter 3: 激發極限能力既書寫方法

  1. 寫野可以增加對內容既記憶 其中用手寫會深刻過打字
  1. 睇書個陣劃線做筆記會加深對內容既理解 但係要記得唔好過多 三個重點就好夠劃得太多會花多眼亂呢樣我係buy既 但係三個重點就味必 要depends on內容既量有幾多
  1. 大腦最多只可以同時處理三件事 所以應該將諗到要做既野寫做check list 然後清空大腦
  1. 寫文個陣記得要一早set好左個layout先動筆 唔好一路諗一路寫 咁樣寫野既速度會快好多
  1. 每朝起身花3分鐘時間去寫低當日既to do list 可以分6個部分i. AM: 朝早要做既3件事ii. PM: 晏就要做既3件事iii. 每日: 每日都必做既3件事iv. 空檔: 得閒既時候要做既3件事v. 休閒: 私人活動vi. 其他: 唔太重要但係要做既事我覺得呢種分法好好 仲好聰明 以前我都只係會將諗到個日要做既野寫低就算 但係咁樣分完 感覺上好似可以做既野會多左 不過我諗要自己define清楚每part既意思 姐係例如我晏就約左人去篤波 到底應該放係PM定休閒好? 同埋如果我個活動本身時間好長 又點樣可以做到3件事?
  1. 啱啱起身個兩三個鐘係精神最集中既時候 要做左個日最重要既野先
  1. 創意的4B指既係容易激發靈感既地方 分別係Bathroom Bed Bus Bar我基本上一遇到咩難題都會走去沖涼 等個腦放鬆下既同時 好容易就會諗到solution 不過我之前都唔知原來飲少少酒等個人放鬆都會有幫助
  1. 想激發靈感個陣可以利用memo紙 首先諗到咩相關既野都寫低晒佢先 包括諗到既引用例子 專有terms 過往經驗 等等 係呢個階段 量重要過質 寫左大概100個之後就開始分類同整理 咁就可以做到個有質量既內容
  1. 傳統既紙筆可以將抽象模糊既直覺概念以鳥瞰既形式概括表達 數位既電腦就可以好有邏輯性咁將諗法具體又詳細咁紀錄低
  1. 整PowerPoint唔好一邊諗一邊砌 主要有三個stepsi. 紙筆激發靈感: 將所有諗到既野用點列式list out出黎 然後再分四部分: 開場介紹 入門內容 應用介紹 總結ii. Word大綱模式定立架構iii. 一頁一頁整PowerPoint
我既理解就係 想做野有效率 就要預先計劃好晒每日既行程 提早allocate好每件事既執行時間 咁就可以按步就班咁好企理去完成晒D工作 而想寫野有效率 就將所有諗橋 整理 設計既工序獨立分開 咁就唔會東做一D 西做一D 自然用時就會縮短

Chapter 4: 成效遠勝過他人既行動力

  1. 成功嘅法則就係要持之以恆 其中有五個秘訣i. 只考慮今日要做既事ii. 用一個開心愉快嘅心情去實行iii. 細分目標iv. 記錄結果v. 完成就獎勵自己我自己一路都係咁做野 只有你鐘意做件事 先可以keep住去做 同埋只要將個計劃拆到好細 就會覺得只要按部就班跟住去做就好容易可以做到 咁自然有信心去行落去
  1. 最有效自我成長既方法就係去教人 當學習係以教人為前提既話 你就會容易發現自己唔理解唔明既地方係邊到而再去加強呢點好同意 就好似我自己medium出文或者去講talk 我會諗人地會問咩問題 咁自然就會做多D research 學深入D
  1. 大腦好難同時間處理幾件事 最理想既方法就係專注係眼前既單一任務
  1. 人處事既時候會有三大區域 最理想既task就係少少難但係唔會完全做唔到i. 舒適區: 安心 唔會有進步ii. 學習區: 興奮 勇於挑戰iii. 危險區: 恐懼 想逃避同放棄
  1. 遇到唔想做既事既時候 就要記住5分鐘動力原則 只要開始左5分鐘就會慢慢習慣同繼續
  1. 遇到難題唔識決擇既時候 可以參考以下諗法如果難題係涉及你既專長既時候 就用五秒法則 姐係當刻最直觀既決定如果係其他難題 就選擇你最有興趣最令你興奮既做法 咁樣成功機會最大
  1. 好多人做任何事都會朝住完美100分咁去進行 將80%既時間初步完成 然後20%去琢磨 結果就不停延期 作者提出應該用50 50既時間去分佈 頭50%朝住30分初步完成 後個50%就去改進我都係屬於前者比較做得差個堆 好多時都會希望諗到一個完美既方案先開始執行 結果一路諗唔到就拖住零輸出 所以要開始效法作者既做法
  1. 想搵同路人追隨 就要提出願景而唔係目標 分別在於願景係對其他人或者社會既貢獻 容易產生認同 而目標只係好實在好實際既功利思想
  1. 情緒管理好重要 笑可以令心情好D 舒緩緊張 適當嘅喊亦都可以排解壓力 而當憤怒既時候就要記住用1分鐘呼吸法 5秒吸氣 15秒呼氣 連續三次
  1. 瞓足覺好重要 充足睡眠可以大幅度提升專注力 注意力 記憶力 執行力 邏輯推理能力 數學能力
  1. 運動會令大腦細胞增生 令頭腦變聰明
如果想進步 唯有行動先會有改變 做咩都好 拆件一步一步黎 只要做得開心就會keep住做 唔好諗住一黎就完美 做左個大概 再慢慢細執

Chapter 5: 提升輸出力既7大訓練

  1. 最簡單有效既方法就係寫日記 每日幾分鐘 寫低個日發生過既開心事
  1. 記錄低健康狀態 例如體重 狀態 睡眠時間
  1. 寫讀後感 format就係before + after 睇之前有咩諗法有咩期待或者想得到D咩 同埋睇完之後既感想 或者有咩to do list
  1. 每日都係social media出post 增加曝光率 就好似同人打招呼咁 另外可以擴闊圈子
我自己既親身經歷話俾我知 好活躍係LinkedIn其實真係對搵工有唔少幫助 所以keep住update social media應該會有唔錯既效果

總結

首先睇呢本書係同我一開始既期望有落差既 我expect既係學識點樣可以最短時間內maximize我既工作效率 但係呢本書既內容唔係講呢樣野 但係透過呢本書 我學到好多做人做事應該要有既態度同方法 我自己會記住以下呢三點
  1. 講野方面 要多D笑 有眼神接觸 平時對住咩人都要打招呼 同埋記住讚左先彈(Yes But) 想講人壞話不如唔好出聲好過
  1. 寫野方面 記得諗左個框架先 唔好邊寫邊諗 創作三部曲 memo紙brainstorm word寫大綱 落筆做野
  1. 做任何事要成功唯一既方法就係持之以恆 例如我想同多 D唔同既人建立 bounding 曝光率係關鍵 每日係 LinkedIn 同 TG share 一單個 post / message 同埋係 IG出一個 post
多看效應 - MBA智库百科Theory of multiple intelligence - Howards Garnder